World News

Sports

Entertainment

پاکستان میں نئی تاریخ رقم ہو گئی، پہلا پاکستانی سیٹلائٹ آئی کیوب کیو چاند پر روانہ ہوگیا۔دو آپٹیکل کیمروں سے لیس آئی کیوب کیو کی مدد سے چاند کی سطح کی تصاویر اور معلومات حاصل کی جائیں گی، سیٹلائٹ مشن ’آئی کیوب کیو‘ چین کے ہینان سپیس لانچ سائٹ سے دن 12 بج کر 50 منٹ پر روانہ ہونا تھا، موسم کی خرابی کے باعث 2 بج کر 18 منٹ پر روانہ کیا گیا۔سیٹلائٹ آئی کیوب کیو کی لانچ کو ویب سائٹ سے براہ راست ٹیلی کاسٹ بھی کیا گیا، آئی کیوب قمر کا ڈیزائن اور ڈیویلپمنٹ چین اور سپارکو کے اشتراک سے تیار کیا گیا ہے، مشن5روز میں چاند کے مدار تک پہنچ کر6 ماہ تک اپنا کام مکمل کرے گا، مشن جنوبی قطب سے گرد کے ذرات اور چٹانوں کی تصاویر لے گا۔ چاند کی تصاویر بنانے کیلئے آئی کیوب قمر میں دو کیمرے نصب ہیں، سیٹلائٹ سے چاند کی سطح کی تصاویر چین کے ڈیپ سپیس نیٹ ورک کے ذریعے حاصل کی جائیں گی۔مشن کی کامیابی کے بعد پاکستان ان چند ممالک کی فہرست میں شامل ہو جائے گا جنہوں نے چاند کے مدار میں اپنے سیٹلائٹ بھیجے ہیں، دوسری جانب آئی کیوب قمر چاند تک سیٹلائٹ بھیجنے کے مشن کی تیاری میں طلباء کا مرکزی کردار ہے۔آئی کیوب کیو کو خلا میں بھیجنے کے مقصد سے متعلق گفتگو کرتے ہوئے ڈاکٹر خرم کا کہنا تھا کہ اس مشن کی مدد سے ہم سائنسی تحقیق، تکنیکی ترقی اور خلائی تحقیق سے متعلق تعلیمی منصوبوں میں آگے بڑھ سکیں گے، نہ صرف یہ بلکہ پاکستان کے پاس تحقیق کے لیے اپنی سیٹلائٹ سے لی جانے والی چاند کی تصاویر ہوں گی۔خیال رہے 2022ء میں چینی نیشنل سپیس ایجنسی نے ایشیا پیسیفک سپیس کارپوریشن آرگنائزیشن کے ذریعے رکن ممالک کو چاند کے مدار تک مفت پہنچنے کا منفرد موقع فراہم کیا تھا، ایپسکو کی پیشکش پر رکن ممالک نے اپنے منصوبے بھیجے تھے، ایپسکو کے رکن ممالک میں پاکستان، بنگلا دیش، چین، ایران، پیرو، جنوبی کوریا، تھائی لینڈ اور ترکیہ شامل ہیں۔واضح رہے پاکستان کی جانب سے انسٹی ٹیوٹ آف سپیس ٹیکنالوجی نے بھی مجوزہ منصوبہ جمع کرایا تھا، 8 ممالک میں سے صرف پاکستان کے منصوبے کو قبول کیا گیا اور دو سال کی محنت کے بعد سیٹلائٹ ’آئی کیوب قمر‘ کو مکمل کیا جا سکا۔

تاریخ رقم،پاکستان کا پہلا سیٹلائٹ خلائی مشن چاند کیلئے روانہ کردیا گیا

News

سیٹلائٹ کو آئی ایس ٹی نے چین کی شنگھائی یونیورسٹی اور سپارکو کے تعاون سے ڈیزائن اور تیارکیا گیا تھا

انٹرنیشنل کرکٹ کونسل( آئی سی سی )نے ویسٹ انڈیز کے کھلاڑی ’ڈیوون تھامس‘ پر 5 سال کی پابندی عائد کر دی ہے ، اس دوران وہ کسی قسم کی کرکٹ نہیں کھیل سکیں گے ۔ تفصیلات کے مطابق ڈیون تھامس نے سری لنکا کرکٹ ، امارات کرکٹ بورڈاور کیریبین پریمیئر لیگ کے انسداد بدعنوانی کوڈز کی سات شقوں کی خلاف ورزی کا الزام قبول کیا جس پر آئی سی سی نے سزا سناتے ہوئے انہیں 5 سال کیلئے کسی بھی قسم کی کرکٹ کیلئے نااہل قرار دیدیا ہے ۔ آئی سی سی کے جنرل مینجر ایلیکس مارشل نے بیان دیتے ہوئے کہا کہ ڈیوون انٹرنیشنل اور ڈومیسٹک کرکٹ کھیلتے رہے جبکہ انہوں نے اینٹی کرپشن کے کئی سیشنز میں بھی شرکت کی اس لیے انہیں معلوم تھا کہ اینٹی کرپشن کوڈ آف کنڈٹ کے متعلق ان کے فرائض کیا ہیں لیکن اس کے باوجود بھی وہ ان پر پورا نہیں اترے۔یہ پابندی مناسب ہے اور اس سے کھلاڑیوں اور بدعنوانوں کو ایک مضبوط پیغام جانا چاہئے کہ ہمارے کھیل کو خراب کرنے کی کوششوں سے سختی سے نمٹا جائے گا۔

آئی سی سی نے ویسٹ انڈین کرکٹر ڈیون تھامس پر 5 سال کی پابندی عائدکردی

ڈیون تھامس نے سری لنکا کرکٹ، ایمریٹس کرکٹ بورڈ اور سی پی ایل کے اینٹی کرپشن کوڈ کی 7 خلاف ورزیاں کیں

پی ٹی آئی کے بانی عمران خان سے منسوب ایک اور خط بین الاقوامی جریدے میں شائع ہو گیا ہے۔ اس مرتبہ شائع ہونے والے خط میں سخت ترین زبان استعمال کی گئی ہے اور نہ صرف اہم شخصیات کے نام لے کر الزامات عائد کیے گئے ہیں بلکہ ریاست پر بھی سوالات اٹھائے گئے ہیں۔خط کا آغاز ہی ان الفاظ سے ہوتا ہے کہ ’آج پاکستان اور اس کے عوام ایک دوسرے کے مخالف کھڑے ہیں۔خط میں ملک کے دفاعی ادارے کا نام لے کر اس پر تنقید کی گئی ہے۔واضح رہے کہ پاکستان کے آئین کے تحت فوج اور عدلیہ پر تنقید نہیں کی جا سکتی۔عمران خان سے منسوب خط میں سویلین حکومت کو کٹھ پتلی قرار دیا گیا ہے۔خط میں کہا گیا کہ آٹھ فروری کو عوام نے جمہوری انتقام لیا جو نہ صرف قومی حکم عدولی تھی بلکہ اس کے نتیجے میں نو مئی سے متعلق بیانیہ مسترد بھی ہو گیا۔خط میں الزام عائد کیا گیا کہ عام انتخابات کے بعد ضمنی انتخابات میں بھی ووٹ ٹیمپرنگ کی گئی۔عمران خان نے دی ٹیلیگراف میں لکھے گئے مضمون میں ملک کی اسٹیبلشمنٹ پر سنگین الزامات عائد کرتے ہوئے لکھا ہے کہ اسٹیبلشمنٹ نے میرے خلاف وہ سب کچھ کیا جو وہ کر سکتے تھے۔ اب ان کے پاس صرف مجھے قتل کرنے کے سوا کچھ نہیں رہ گیا ہے، لیکن غلامی پر موت کو ترجیح دوں گا۔ غیر ملکی اخبار دی ٹیلیگراف میں لکھے گئے ایک مضمون میں عمران خان نے کہا کہ ہے کہ آج پاکستان اور اس کے عوام ایک دوسرے کے آمنے سامنے ہیں۔ تقریباً 2 سال پہلے میری حکومت کے خلاف عدم اعتماد پیش کیا گیا اور پھر اسٹیبلشمنٹ کے ساتھ مل کر ایک حکومت وجود میں آئی تھی۔اس کے بعد سے پاکستان کی سیاست سے میری پارٹی کا وجود ختم کرنے کے لیے ہر حربہ آزمایا گیا لیکن سویلین قیادت کے لیے کچھ بھی کام نہ آیا اور 8 فروری 2024 کو پاکستان کے عام انتخابات نے ان کے تیار کردہ منصوبے کو بری طرح ناکام کر دیا۔ ایک ایسے ملک میں جہاں رائے دہندگان کی اکثریت کسی پارٹی کے نشان سے رہنمائی حاصل کرتی ہے، وہاں انتخابی نشان نہ ہونے کے باوجود عوام نے باہر نکل کر میری جماعت پاکستان تحریک انصاف (پی ٹی آئی) کے حمایت یافتہ امیدواروں کو بھاری اکثریت سے ووٹ دیا۔ عمران خان نے اپنے مضمون میں دعویٰ کیا کہ آج پاکستان ایک خطرناک چوراہے پر کھڑا ہےجہاں عوام نے انتخابات میں سازشوں کے باوجود نہ صرف پی ٹی آئی کی قیادت بلکہ اس کے کارکنوں پر ہونے والے ظلم، قید اور تشدد کو مسترد کر دیا ہے۔عمران خان نے لکھا ہے کہ موجودہ حکومت جگ ہنسائی کا باعث بنی ہوئی ہے۔عمران خان نے اپنے مضمون میں ملک کی اسٹیبلشمنٹ، فوج، حکومت اور عدلیہ پر سنگین الزامات عائد کرتے ہوئے کہا ہے کہ انہیں سوائے مجھے قتل کرنے کے کوئی حربہ باقی نہیں رہا  لیکن وہ ڈرنے والے نہیں ہیں غلامی کے بجائے موت کو ترجیح دیں گے۔خط میں فوج کے علاوہ عدلیہ پر بھی تنقید کی گئی ہے اور کہا گیا ہے کہ اسلام آباد ہائی کورٹ کے چیف جسٹس انصاف نہیں کر رہے۔چھ ججوں کے خط کے معاملے کا حوالہ دیتے ہوئے مبینہ طور پر بانی پی ٹی آئی نے کہا ہے کہ چیف جسٹس نے الٹا ججوں کو ہی کٹہرے میں کھڑا کر دیا ہے۔خط میں کہا گیا ہے کہ ریاست اسی راستے پر چل رہی ہے جس پر وہ 1971 میں چلی تھی جب وہ مشرقی پاکستان کھو بیٹھی جو آج بنگلہ دیش ہے۔خط میں ایک ہی جملے میں ایک جانب پاکستان پر امریکہ کو فضائی حدود کے استعمال اور متعلقہ سہولتیں دینے کا الزام عائد کیا گیا ہے تو دوسری جانب امریکہ کی انسانی حقوق سے متعلق رپورٹ کا حوالہ دیا گیا ہے جس میں پاکستان پر سنگین الزامات عائد کیے گئے ہیں۔خط کے آخر میں مبینہ طور پر عمران خان نے کہا کہ اسٹیبلشمنٹ میرے خلاف جو کر سکتی تھی کر لیا اب مجھے قتل کرنا ہی رہ گیا ہے۔خط میں ایک شخصیت کا نام لیتے ہوئے عمران خان نے کہا کہ اگر مجھے یا میری بیوی کو کچھ ہوا تو وہ شخصیت ذمہ دار ہوگی۔عمران خان سے منسوب یہ خط برطانوی اخبار ٹیلی گراف میں شائع ہوا ہے۔ یاد رہے کہ اس سے پہلے اسی نوعیت کا ایک خط برطانوی اخبار اکنامسٹ نے شائع کیا تھا اور اس وقت سوالات اٹھائے گئے تھے کہ عمران خان جیل سے کوئی خط کیسے بھجوا سکتے ہیں جبکہ انہیں کوئی تحریر باہر بھیجنے کی اجازت نہیں۔عمران خان کی یہ مبینہ تحریر نو مئی کے واقعات کو ایک برس پورا ہونے سے محض چند روز قبل سامنے آئی ہے۔

عمران خان سے منسوب ایک اور خط بین الاقوامی جریدے میں شائع ہو گیا

آج پاکستان اور اس کے عوام ایک دوسرے کے آمنے سامنے ہیں،عمران خان کا ٹیلیگراف میں مضمون

چلاس کے مقام پر مسافر بس کھائی میں جا گری جس کے نتیجے میں 20 افراد جاں بحق، 22 شدید زخمی ہو گئے جبکہ متعدد کی حالت تشویشناک بتائی جا رہی ہے۔تفصیلات کے مطابق بس کو حادثہ چلاس کے علاقے شاہراہ قراقرم پر یشوکھل داس کے مقام پر پیش آیا جہاں راولپنڈی سے ہنزہ جانے والی مسافر بس تیز رفتاری کے باعث بے قابو ہو کر اچانک کھائی میں جا گری، حادثے کے نتیجے میں بس میں سوار تمام افراد شدید زخمی ہو گئے۔حادثے کی اطلاع ملنے کے بعد ریسکیو ٹیم موقع پر پہنچ گئی اور زخمی ہونے والوں کو طبی امداد کیلئے ہسپتال منتقل کر دیا جہاں 20 کے قریب مسافر دم توڑ گئے جبکہ متعدد کی حالت تشویشناک بتائی جا رہی ہے، پولیس نے حادثے کی وجہ معلوم کرنے کیلئے تفتیش شروع کر دی۔ترجمان وزیر اعلیٰ گلگت بلتستان فیض اللہ فراق نے حادثے میں 20 مسافروں کی ہلاکت کی تصدیق کرتے ہوئے بتایا ہے کہ بس کو حادثہ یشوکھل داس کے قریب موٹ کاٹتے ہوئے پیش آیا، بس میں 35 سے زائد مسافر سوار تھے، چلاس اسپتال میں ایمرجنسی نافذ کر دی گئی۔حادثےپروزیراعظم اوروزیرداخلہ نےقیمتی جانوں کےنقصان پرافسوس کا اظہار کیا ہے، وزیراعظم شہبازشریف نےزخمیوں کی جلد صحت یابی کیلئے دعا کرتے ہوئے ہر ممکن طبی امداد فراہم کرنےکی ہدایت کردی ہے۔

چلاس، مسافر بس کھائی میں جاگری، 20افراد جاں بحق، متعدد شدید زخمی

حادثےکا شکارہونے والی مسافر بس راولپنڈی سے گلگت جا رہی تھی، اسپتال میں ایمرجنسی نافذ

انتخابات میں مبینہ دھاندلی کے خلاف کراچی میں جمعیت علمائے اسلام نے انتظامیہ کی اجازت کے بغیر ہی نیو ایم اے جناح روڈ پر میدان سجایا۔جلسے سے خطاب کرتے ہوئے مولانافضل الرحمان نے کہا کہ آپ جزیروں کی نگرانی کریں یہ نہ ہوکہ بک جائیں، موجودہ اسمبلیاں جعلی ہیں، باقاعدہ اسمبلیاں خریدی گئی ہیں، سندھ اسمبلی سےایوان صدرتک کاسودا ہوا۔سر براہ جے یو آئی کا کہنا تھا کہ ہم ملک میں آئین کےمطابق حکومت چاہتےہیں ، چاہتےہیں عوام کےمنتخب نمائندےحکومت کریں، جمعیت کوہروانا ان کےمقاصدمیں شامل تھا، جمعیت جیت جاتی توایوان صدرمیں نہ آتے پنوعاقل میں چھاؤنی نہ کھپےمیں ہم آپ کےساتھ تھے۔ مولانا فضل الرحمن نے اسٹیبلشمنٹ کو انتباہ کرتے ہوئے کہا ہے کہ ملک کو ٹھیک کرو اور دوبارہ الیکشن کراؤ ورنہ عوامی سمندر میدان میں آنے کیلئے تیار ہے، مجھے یقین ہے آپ اپنے اختیارات کی حدوں کو جانتے ہیں لیکن آپ جو تجاوز کرتے ہیں وہ کئی گنا زیادہ ہوتا ہے۔مزار قائد سے متصل نیو ایم اے جناح روڈ پر جمعیت علمائے اسلام کراچی کے تحت ’’عوامی اسمبلی سندھ‘‘ کے عنوان سے منعقدہ جلسہ عام سے خطاب کرتے ہوئے مولانا فضل الرحمن نے کہا کہ یہاں اسٹیبلشمنٹ کی نوکری کرنی پڑے گی تب ہی وفادار سمجھا جائےگا، آپ کی حکومتوں نے اداروں کو کمزور کیا جسکی سزا عوام بھگت رہے ہیں، ہمیں ڈکٹیٹرز کی تاریخ معلوم ہے جو سازشوں سے اقتدار تبدیل کرتے ہیں۔مولانا فضل الرحمٰن نے کہا کہ سرحد پر باڑ لگنے کے بعد کہا گیا کہ اب کوئی افغانستان سے آسکتا ہے نا جاسکتا ہے، اربوں روپے کی باڑ کا کیا ہوا، مسلح افراد کیسے واپس آئے؟۔ قبائلی علاقوں میں آپریشن کی حمایت نہیں کی یہ ہمارا بڑا گناہ تھا، مارشل لاء میں پاکستان کے تین دریا بیچ دیے گئے۔انہوں نے کہا کہ اگر ہماری اسٹیبلشمنٹ یہ سمجھتی ہے کہ یہ لوگ تھک جائیں گے تو یہ ان کی بھول ہے۔ 2018 ء کے بعد ہم نے دھاندلی کے خلاف اپنی تحریک چلائی اُس وقت بھی ان کا یہی خیال تھا  مگر ہمارے ہر کارکن نے اس جدوجہد کو جاری رکھا۔ ہمیں پتا ہے آپ کو اپنی آئینی حدود کا علم ہوگا لیکن اسکے۔مولانا فضل الرحمٰن نے کہا کہ آج کے جلسے نے یہ ثابت کر دیا ہے کہ انتخابات میں قائم ہونے والی اسمبلیاں جعلی ہیں، سندھ اسمبلی سے لیکر ایوان صدر تک کا سودا ہوا، اسمبلیاں خریدی اور بیچی گئی ہیں، ہم ان کے لیے رکاوٹ اور خطرہ تھے اور ہمیں ہروانا ان کے مقاصد میں شامل تھا، ہم ایوانوں میں ہوتے تو نہ یہ جزیرے بیچ سکتے اور نہ ہی کوئی اور غلط کام کر سکتے تھے۔ اسرائیل کی مخالفت، حماس کے حملے کی حمایت اور افغانستان اور پاکستان کی کو بہتر کرنے کی جدوجہد کی ہمیں سزا دی گئی اور ایوانوں سے باہر نکال دیا گیا۔ مولانا فضل الرحمان نے جلسے سے خطاب کرتے ہوئے کہا کہ سندھ کے لوگوں نے ہمیشہ جے یو آئی کا ساتھ دیا، ہماری اسٹیبلشمنٹ سمجھتی ہے یہ لوگ تھک جائیں گے، ان کا خیال تھا شاید اب دھاندلی پر ہم احتجاج کے قابل نہیں ہوں گے۔مولانا فضل الرحمان نے کہا کہ ہماری یہ جدوجہد ایک دن یا سال کی نہیں ہے، ہم نہیں ہوں گے تو ہمارے وارث اس جہاد کو آگے بڑھائیں گے، آئین کے مطابق کوئی قانون سازی قرآن و سنت کے منافی نہیں ہوسکتی، اسمبلیاں ایسے لوگوں سے بھر دی جاتی ہیں جنہیں اسلام سے کوئی دلچسپی نہیں، ایسے لوگ صرف اقتدار کی جنگ لڑتے ہیں۔سربراہ جے یو آئی (ف) نے کہا کہ ایم آرڈی تحریک میں تمام جماعتیں شامل تھیں، ہم نے اپنے حق کے لئے کھڑے ہونا ہے، جلسہ عوامی اسمبلی کےعنوان سے ہو رہا ہے، انتخابات کے ذریعے وجود میں آنے والی اسمبلیاں جعلی ہیں، الیکشن میں باقاعدہ اسمبلیاں خریدی گئیں۔انہوں نے کہا کہ سندھ اسمبلی تک ایوان صدر کا سودا ہوا، ہم ان کے لئے خطرہ تھے، جمعیت کو ہرانا ان کی ترجیح تھی، ہم پاکستان کے وفادار ہیں، پاکستان میں وفاداری کی کوئی قدروقیمت نہیں۔سربراہ جے یو آئی (ف) نے کہا کہ دہشت گردی کے خاتمے کے لئے آپریشن کئے گئے، آج ملک میں دہشت گردی بہت بڑھ گئی ہے، جنرل باجوہ نے کہا افغانستان باڑ پر اربوں روپےخرچ کر دیئے، جنرل باجوہ نے کہا تھا افغانستان سے اب کوئی نہیں آسکے گا، آج وہ بارڈر پر لگی باڑ کدھر ہے؟فضل الرحمان نے کہا کہ ملک میں حکمرانی ہوگی تو صرف آئین کی ہوگی، امریکا اسلامی ممالک کو توڑنا چاہتا ہے۔

آپ اپنی آئینی حدود جانتے ہیں مگر تجاوز کئی گنا زیادہ ہوتا ہے، مولانا فضل الرحمان

دوبارہ الیکشن کراؤ ورنہ عوامی سمندر میدان میں آنے کیلئے تیار ہے، کراچی میں جلسے سے خطاب

فلسطینیوں کی نسل کشی سے باز نہ آنے پر کولمبیا نے اسرائیل کے ساتھ سفارتی تعلقات مکمل طور پر ختم کرنے کا اعلان کر دیا۔غیرملکی میڈیا رپورٹس کے مطابق کولمبیا کے صدر گستاوو پیٹرو نے دارالحکومت بگوٹا میں شہریوں سے خطاب کرتے ہوئے فلسطینیوں کی نسل کشی جاری رکھنے پر اسرائیل کے ساتھ ہر قسم کے سفارتی تعلقات مکمل طور پر ختم کرنے کا اعلان کیا۔صدر گستاوو پیٹرو نے شہریوں سے مخاطب ہو کر کہا کہ اسرائیلی وزیر اعظم نیتن یاہو نے غزہ میں انسانوں کو ذبح کیا اور خون کی ندیاں بہا دیں، عالمی قوتیں اسرائیل کے خلاف فلسطینیوں کے نسل کشی کے کیس میں فریق بنیں۔واضح رہے کہ اسرائیل کی 7 اکتوبر سے جاری وحشیانہ بمباری میں شہید ہونے والے فلسطینیوں کی تعداد 34 ہزار 488 ہو گئی جبکہ 77 ہزار سے زائد زخمی ہیں، شہید اور زخمی ہونے والوں میں نصف تعداد خواتین اور بچوں کی ہے۔

فلسطینیوں کی نسل کشی، کولمبیا نے بھی اسرائیل سے تعلقات منقطع کرنیکا اعلان کردیا

عالمی قوتیں اسرائیل کے خلاف فلسطینیوں کے نسل کشی کے کیس میں فریق بنیں، گستاوو پیٹرو

آئی سی سی نے ٹی 20 ورلڈ کپ کا ترانہ جاری کردیا۔تفصیلات کے مطابق انٹرنیشنل کرکٹ کونسل (آئی سی سی) نے ٹی ٹوئنٹی ورلڈ کپ 2024 کا آفیشل ترانہ ’آؤٹ آف دِس ورلڈ‘ جاری کردیا۔مائیکل تنو مونٹانو کے تیار کردہ ترانے کو میوزک ویڈیو کے ساتھ لانچ کیا گیا ہے جس میں آٹھ بار کے اولمپک گولڈ میڈلسٹ یوسین بولٹ، کرکٹ اسٹار کرس گیل، علی خان، شیو نارائن چندر پال اور دیگر کیریبین شخصیات شامل ہیں۔اس ترانے کو گریمی ایوارڈ یافتہ گلوکار شان پال اور سوکا سپر اسٹار کیس نے گایا ہے۔آئی سی سی کا کہنا ہے کہ ترانے کی ریلیز سے ورلڈ کپ کا جوش و خروش بڑھے گا۔واضح رہے کہ آئی سی سی ٹی ٹوئنٹی ورلڈکپ 2جون سے امریکا اور ویسٹ انڈیز میں کھیلا جائے گا۔روایتی حریف پاک بھارت ٹیمیں 9 جون کو مدمقابل آئیں گی۔ورلڈکپ کیلئے ٹیموں کی جانب سے حتمی اسکواڈ کا اعلان کیا جارہا ہے، پاکستان نے اب تک ٹی ٹوئنٹی ورلڈکپ کے لیے اپنے اسکواڈ کا اعلان نہیں کیا۔

انٹرنیشنل کرکٹ کونسل نےٹی 20 ورلڈ کپ کا آفیشل ترانہ جاری کردیا

ورلڈ کپ کے آفیشل گانے میں گریمی ایوارڈ یافتہ گلوکار شان پال اور سوکا سپر اسٹار کیس نے آواز کاجادو جگایاہے

پاکستان ویمن کرکٹ ٹیم نے ویسٹ انڈیز  ویمن کو چوتھے ٹی ٹوئنٹی میں 8 وکٹوں سے  شکست دے کر 5 میچز پر مشتمل سیریز میں پہلی جیت حاصل کرلی۔تفصیلات کے مطابق کراچی میں کھیلے گئے چوتھے ٹی 20 میں پاکستان ویمنز ٹیم نے ویسٹ انڈیز کی جانب سے دیا جانے والا 85 رنز کا ہدف17ویںاوورز میں باآسانی دو وکٹوں کے نقصان پر حاصل کرلیا۔پاکستان کی جانب سے اوپنر عائشہ ظفر نے 42 رنز کی ناقابل شکست اننگز کھیلی، گل فیروزہ 21 رنز بنا کر نمایاں رہیں۔سدرہ امین 15 رنز بنا کر پویلین لوٹ گئیں، منیبہ علی کو 8 رنز پر فلیچر نے آؤٹ کیا۔اس سے قبل ویسٹ انڈیز ویمنز نے پاکستان کو جیت کے لیے 85 رنز کا ہدف دیا تھا، اور پہلے بیٹنگ کرتے ہوئے مقررہ اوورز میں 9 وکٹوں کے نقصان پر 84 رنز بنائے تھے۔کیمپ بیل 26، زائیدہ جیمز 19 اور جینیلیا 10 رنز بنا کر آؤٹ ہوئیں۔پاکستان کی جانب سے سعدیہ اقبال اور کپتان ندا ڈار نے تین، تین وکٹیں حاصل کیں، نشرح سندھو اور رامین شمیم نے ایک، ایک وکٹ حاصل کی۔

چوتھاٹی20،پاکستان ویمنز ٹیم نے ویسٹ انڈیزویمنز کو8وکٹوں سے ہرادیا

ویسٹ انڈیز ویمنزکا85رنز کاہدف پاکستان نے17باآسانی دووکٹوں کے نقصان پرحاصل کرلیا

بھارتی فلم ساز سنجے لیلیٰ بھنسالی کی جانب سے انگریز دور کی لاہور کی تاریخ، ثقافت، سیاست اور جسم فروشی کے کاروبار پر بنائی گئی ویب سیریز ’ہیرا منڈی‘ کو ریلیز کردیا گیا۔میڈیارپورٹس کے مطابق نامور بھارتی فلمساز سنجے لیلا بھنسالی کی ایکشن اور ڈرامے سے بھرپور ویب سیریز ’ہیرا منڈی‘ نیٹ فلکس پر ریلیز کردی گئی۔نیٹ فلکس کیلئے بھنسالی کی بنائی گئی ڈیبیو ویب سیریز یکم مئی کو ریلیز ہوئی اور مداح اس کا بے تابی سے انتظار کررہے تھے۔ویب سیریز میں تقسیم برصغیر سے قبل زمانے کی منظر کشی کی گئی ہے جس میں طوائفوں کا ایک کوٹھا آزادی کی جنگ میں شامل ہوجاتا ہے۔سنجے لیلا بھنسالی کے مطابق ’ہیرا منڈی‘ محبت، طاقت، آزادی اور ایسی خواتین کی کہانی ہے جو اپنی خواہشات اور جدوجہد کیلئے منفرد کردار میں نظر آتی ہیں۔ ویب سیریز کے ٹریلر میں آزادی سے پہلے درباریوں کی زندگیوں میں محبت اور دھوکہ دہی کی کہانی کو شاندار انداز میں دکھایا گیا ہے۔’ہیرا منڈی‘ کی کہانی کو 1940 کے دور میں سیٹ کیا گیا ہے اور اس میں دربار والوں اور طوائفوں کے درمیان تعلقات پر کہانی کی بنیاد رکھی گئی ہے۔ویب سیریز کی میگا کاسٹ میں سوناکشی سنہا، منیشا کوئرالہ، ادیتیہ راؤ حیدری، رچا چڈا، سنجیدا شیخ اور دیگر شامل ہیں۔

لاہور پر بنی ویب سیریز ’ہیرا منڈی‘ ریلیز

ویب سیریز کی میگا کاسٹ میں سوناکشی سنہا، منیشا کوئرالہ، ادیتیہ راؤ حیدری، رچا چڈا، سنجیدا شیخ اور دیگر شامل ہیں

سیکیورٹی فورسز نے خیبرپختونخوا کے ضلع ٹانک میں کارروائی کرتے ہوئے سیشن جج وزیرستان کے اغوا میں ملوث تین دہشت گردوں کو ہلاک کردیا۔تفصیلات کے مطابق  سکیورٹی فورسز نے دہشت گردوں کی موجودگی کی اطلاع پر ضلع ٹانک میں مشترکہ انٹیلی جنس آپریشن کیا۔پاک فوج کے شعبہ تعلقات عامہ (آئی ایس پی آر) کے مطابق سکیورٹی فورسز کے آپریشن کے دوران شدید فائرنگ کے تبادلے میں 3 دہشت گرد مارے گئے، ہلاک دہشت گرد جنوبی وزیرستان کے ڈسٹرکٹ اینڈ سیشن کے حالیہ اغوا سمیت دہشت گردی کی کئی سرگرمیوں میں ملوث تھے۔ہلاک دہشت گردوں کی شناخت عظمت عرف عظمتی، کرامت عرف ہنزلہ اور ریحان نام کے ناموں سے ہوئی۔آئی ایس پی آر کے مطابق سکیورٹی فورسز ملک سے دہشت گردی کی لعنت کے خاتمے کیلئے پرعزم ہیں۔

ٹانک میں سیکورٹی فورسز کا آپریشن، سیشن جج کے اغواء میں ملوث 3 دہشت گرد ہلاک

ہلاک دہشت گرد جنوبی وزیرستان کے ڈسٹرکٹ اینڈ سیشن جج کے حالیہ اغواء میں بھی ملوث رہے، آئی ایس پی آر

کراچی کے مختلف علاقوں میں زلزلے کے جھٹکے محسوس کیے گئے ہیں۔تفصیلات کے مطابق کراچی کے علاقے ملیر، کاٹھور اور گڈاپ میں زلزلے کے جھٹکے محسوس کیے گئے ہیں، لوگ کلمہ طیبہ کا ورد کرتے ہوئے گھروں سے باہر نکل آئے۔زلزلہ پیما مرکز کا بتانا ہے کہ ریکٹر اسکیل پر زلزلے کی شدت 2 اعشاریہ 3 ریکارڈ کی گئی ہے۔زلزلے کے جھٹکے پانچ بجکر 52 منٹ پر محسوس کیے گئے۔زلزلہ پیما مرکز کے مطابق زلزلے کی گہرائی 84 کلو میٹر ریکارڈ کی گئی ہے۔واضح رہے کہ چند روز قبل بھی کراچی کے مختلف علاقوں ملیر، گڈاپ اور بحریہ ٹاؤن میں زلزلے کے جھٹکے محسوس کیے گئے تھے۔

کراچی کے علاقے ملیر، کاٹھور اور گڈاپ میں ایک بارپھرزلزلے کے جھٹکے

زلزلے کی شدت 2.3جبکہ گہرائی84کلومیٹرتھی،زلزلے کا مرکز ملیر سے 38 کلومیٹر شمال مشرق میں تھا

تحریک انصاف نے انتخابات میں دھاندلی سے متعلق 300 صفحات پر مشتمل وائٹ پیپر جاری کر دیا۔تفصیلات کے مطابق پی ٹی آئی نے عام انتخابات میں دھاندلی پر وائٹ پیپر جاری کرتے ہوئے کہا ہے کہ ہم چاہتے ہیں کہ جوڈیشل کمیشن ان حقائق کی روشنی میں تحقیقات کرے اور دھاندلی میں ملوث افراد کے خلاف کارروائی کرتے ہوئے انتخابی اصلاحات کی جائیں۔چیئرمین پی ٹی آئی بیرسٹرگوہر نے کہا کہ انتخابی نتائج میں تبدیلی کرکے ہمیں شکست دی گئی، الیکشن میں دھاندلی کے خلاف احتجاج جاری رہے گا۔تحریک انصاف کے چیئرمین بیرسٹرگوہر، عمرایوب، شبلی فراز نے میڈیا سے گفتگو کرتے ہوئے کہا کہ الیکشن میں ہمیں کوئی لیول پلیئنگ فیلڈ نہیں دی گئی، تحریک انصاف سے بلے کا انتخابی نشان بھی لے لیا گیا، فارم 47 کے ذریعے ہماری جیت کو شکست میں تبدیل کیا گیا۔بیرسٹرگوہر نے کہا کہ قومی اسمبلی کی 180 سیٹیں ہم جیت چکے تھے، ہماری سیٹیں فارم 47 کے تحت دوسری جماعتوں کو دی گئیں، جلد سے جلد ہماری پٹیشن کو سپریم کورٹ میں سنا جائے، انکوائری کمیشن بنے جو دیکھے تحریک انصاف کو کیسے ہروایا گیا۔چیئرمین پی ٹی آئی نے کہا کہ ہم چاہتے ہیں الیکشن میں دھاندلی نہ ہو، پورے پاکستان سے 158 پٹیشن فائل کر چکے ہیں، جلد ہماری پٹیشن کو سنا جائے، ہمارا مطالبہ ہے الیکشن ریفارمز کئے جائیں۔عمر ایوب نے کہا کہ ہماری سیٹوں کو فارم 47 کے ذریعے تبدیل کیا گیا، وائٹ پیپرکے 300 پیج میں تمام شواہد موجود ہیں، الیکشن کمیشن نے مخالفین کے 100 ووٹ کو ایک ہزار کر دیا، انہوں نے کہا کہ چیف الیکشن کمشنر بھی فوری مستعفی ہوں، چیف الیکشن کمشنر نےعوام کی امانت میں کھلم کھلا خیانت کی۔شبلی فراز نے کہا کہ مسلم لیگ (ن)، پیپلزپارٹی، ایم کیوایم کو شفاف الیکشن سوٹ نہیں کرتا، تینوں جماعتوں نے اسی لئے ای وی ایم کی مخالفت کی تھی، پی ڈی ایم ون میں ملکی اکانومی کی تباہی ہوئی، تحریک انصاف کے کارکنوں پرتشدد کیا گیا اور ڈرایا دھمکایا گیا۔انہوں نے مزید کہا کہ تحریک انصاف سے انتخابی نشان چھیننےسے بڑا ظلم سیاسی تاریخ میں نہیں ہوسکتا، سلام ہے عوام کو جنہوں نے بلے کا نشان نہ ہونے کے باوجود پی ٹی آئی امیدواروں کو ووٹ دیئے، عوام نے بانی پی ٹی آئی کے نام پر تین کروڑ سے زائد ووٹ دیئے، عوام نے الیکشن میں اپنا حق ادا کردیا تھا۔

انتخابات میں دھاندلی، پی ٹی آئی کا وائٹ پیپر جاری، الیکشن کمشنر سے استعفے کا مطالبہ

الیکشن میں دھاندلی کے خلاف احتجاج جاری رہے گا، پی ٹی آئی رہنماؤں کی پریس کانفرنس

سابق وفاقی وزیر فواد چوہدری نے کہا ہے کہ بانی پی ٹی آئی کے لیے اسٹیبلشمنٹ کے ساتھ ڈیل کرنا ممکن نہیں، اگر وہ ڈیل کرتے ہیں تو انہیں نقصان ہوگا اور وہ شہباز شریف بن جائیں گے۔لاہور ہائیکورٹ کے باہر میڈیا سے گفتگو کرتے ہوئے فواد چوہدری کا کہنا تھا شہباز شریف کو اب خطرہ اپنےگھر سے نہیں باہر والوں سے اور ان سے ہے جو ان کو لےکر آئے ہیں۔فواد چوہدری کا کہنا تھا پاکستان میں جو حالات چل رہے ہیں اتنے بحرانوں میں ہمیں سنبھلنے کی ضرورت ہے، آئین موجود ہے، کسی نئےچارٹر کی ضرورت نہیں ہے۔اُنہوں نے کہا کہ رابطے ہرجماعت سے ہونے چاہئیں۔ ملک کو مستحکم کرنے کیلئے مل بیٹھ کربحرانوں کو ختم کرنا ہو گاانہوں نے مزید کہا کہ تبدیلی آ گئی ہے ،ایک سوال کے جواب میں فواد چوہدری کا کہنا تھا ہمارے ملک کے ججز ایک تاریخ رقم کر رہے ہیں، پاکستان میں ایک سوشل چینج آچکا ہے وہ ہم سب نے دیکھا ہے۔بانی پی ٹی آئی کی ڈیل سے متعلق سوال کا جواب دیتے ہوئے سابق وفاقی وزیر کا کہنا یہاں کوئی کسی سے کوئی ڈیل نہیں کر سکتا، ڈیل کرنے والوں کی کیا حیثیت ہوتی ہے آپ دیکھ لیں،عمران خان ڈیل کرے گا یہ سوال ہی پیدا نہیں ہوتااگر بانی پی ٹی آئی نے ڈیل کی تو وہ شہباز شریف بن جائیں گے۔فواد چوہدری کا کہنا تھا رابطے ہر جماعت سے ہونے چاہئیں اور ہم سب کو ایک دوسرے کی بات سننی چاہیے۔انہوں نے کہا کہ ڈیل ہم آئین پاکستان سے کرچکے ہیں، چینج آگیا ہے، اب کوئی کسی سے ڈیل نہیں کرسکتا، انتخابی نتائج سے سب کچھ واضح ہوچکا ہے۔فواد چوہدری کا کہنا تھا کہ اس کارڈ کے گیم کا اگر کوئی بادشاہ ہے تو وہ مولانا فضل الرحمان ہے، اگر مولانا فضل الرحمان کو حکومت نے نہ منایا تو پھر یہ حکومت نہیں چل سکتی۔

عمران خان نے ڈیل کی تو شہباز شریف بن جائیں گے ، فواد چوہدری

یہاں کوئی کسی سے کوئی ڈیل نہیں کر سکتا، بانی پی ٹی آئی بھی ڈیل نہیں کریں گے، سابق وفاقی وزیر

پاکستان نے متحدہ عرب امارات میں  کے باعث فضائی آپریشن معطل کر دیا۔ تفصیلات کے مطابق  پاکستان انٹرنیشنل ایئر لائن نے متحدہ عرب امارات کے لیے سفر کرنے والے مسافروں کے لیے سفری ہدایات جاری کر دیں۔ متحدہ عرب امارات میں طوفانی بارشوں کے باعث دبئی اور شارجہ کے لیے فضائی اپریشن شدید متاثر ہیں۔  پی ائی اے سمیت دیگر ایئر لائنز کی فضائی اپریشن تاحکم ثانی معطل رہے گی قومی ایئر لائن کی کچھ پروازوں کو  خراب موسم کی وجہ سے تاخیر اور منسوخی کا سامنا ہے۔ صورتحال بحال ہوتی ہی پی آئی اے اپنا فضائی اپریشن کا فی الفور اغاز کر دے گا۔

متحدہ عرب امارات میں طوفانی بارشیں،پاکستان نے فضائی آپریشن معطل کردیا

دبئی اور شارجہ کیلئے پی آئی اے اور دیگر ایئرلائنز کا فضائی آپریشن تاحکم ثانی معطل رہے گا، ترجمان پی آئی اے

توشہ خانہ کیس میں عمران خان کی جانب سے نیب کی طلبی کا نوٹس اسلام آباد ہائی کورٹ میں چیلنج کردیا گیا۔عدالت میں دائر درخواست میں بانی چیئرمین پی ٹی آئی عمران خان کی جانب سے قومی احتساب بیورو (نیب) کے کال اپ نوٹس کو معطل کرنے کی استدعا کی گئی ہے۔توشہ خانہ تحائف بیچنے کے کیس میں نیب کی جانب سے بھیجے گئے نوٹس کے خلاف اسلام آباد ہائی کورٹ میں دائر درخواست میں مؤقف اختیار کیا گیا ہے کہ ایک ہی الزام کے مقدمے میں مختلف قسم کی کارروائی نہیں ہو سکتی۔سابق وزیراعظم اور بانی چیئرمین پی ٹی آئی عمران خان نے وکیل سلمان صفدر کے ذریعے درخواست دائر کی ہے، جس میں چیئرمین نیب ، سپرنٹنڈنٹ جیل اور دیگر کو فریق بنایا گیا۔واضح رہے کہ ایک روز قبل عمران خان کی اہلیہ نے بھی نیب کے طلبی نوٹس کو اسلام آباد ہائی کورٹ میں چیلنج کیا تھا۔

عمران خان نے توشہ خانہ نیب کی نئی انکوائری میں طلبی کا نوٹس عدالت میں چیلنج کردیا

اسلام آباد ہائیکورٹ سے درخواست پر فیصلے تک نیب نوٹس معطل کرنے کی استدعا کی گئی ہے

دفتر خارجہ نے کہا ہے کہ پاکستان کسی غیر ملکی حکومت کو اڈے فراہم نہیں کرے گا۔ترجمان دفتر خارجہ ممتاز زہرا بلوچ کا ہفتہ وار بریفنگ میں کہنا تھا کہ پاکستان کے امریکا اور ایران کے ساتھ اچھے تعلقات ہیں، دونوں ممالک کے ساتھ قومی مفاد میں اپنے تعلقات کو بڑھائیں گے، پاکستان، چین اور ایران سہ فریقی مذاکرات اہم ہیں، ابھی تک ان مذاکرات کی تاریخ طے نہیں ہوئی۔انہوں نے کہا کہ پاکستان اور ایران کے درمیان رابطے کے متعدد چینلز ہیں، ایران کے ساتھ تعاون بڑھانے کیلئے رابطے جاری رکھیں گے۔ترجمان دفتر خارجہ کا کہنا تھا کہ پاکستان اور سعودی عرب کے درمیان توانائی سمیت دیگر شعبوں میں سرمایہ کاری کے حوالے سے بات چیت جاری رکھے ہوئے ہیں۔ممتاز زہرا بلوچ نے کہا کہ بھارتی نیٹ ورک کئی دہائیوں سے جنوبی ایشیا میں متحرک تھا، بھارتی ماورائے عدالت قتل نیٹ ورک دنیا بھر میں پھیل چکا ہے، پاکستان نے بھارتی ایجنٹس کے حملوں کے شواہد دنیا کے سامنے رکھے، بھارتی عمل غیرقانونی اور عالمی قانون کی خلاف ورزی ہے۔ان کا کہنا تھا کہ دنیا بھارت کو اس کے اقدامات پر کٹہرے میں لائے، فروری 2019 میں تاریخ نے خود کو دہرایا، بھارتی قیادت سیاسی مقاصد کیلئے بیان دیتی ہے، بھارتی وزیر اعظم کے حالیہ بیان پر تبصرہ نہیں کروں گی۔ترجمان دفتر خارجہ نے کہا کہ پاکستان کی افواج اور عوام ملک کے دفاع کیلئے ہر وقت تیار ہیں۔ممتاز زہرا بلوچ کا کہنا تھا کہ غزہ میں اسرائیلی جارحیت اور ناکہ بندی قابل مذمت ہے، پاکستان اسرائیل کی جانب سے بڑھتی جارحیت اور غیر قانونی آباد کاری کی مذمت کرتا ہے، پاکستان فلسطینی عوام کی حمایت کے عزم کا اعادہ کرتا ہے۔

پاکستان کسی غیر ملکی حکومت کو اڈے فراہم نہیں کرے گا،دفتر خارجہ

پاکستان اپنی سرزمین یا فضائی حدود کسی دوسرے ملک کے خلاف استعمال کرنے کی اجازت نہیں دے گا، ممتاز زہرہ بلوچ

آرمی چیف جنرل سید عاصم منیر نے کہا ہے کہ ہم اپنی آئینی حدود کو بخوبی جانتے ہیں اور دوسروں سے بھی پاسداری مقدم رکھنے کی توقع رکھتے ہیں۔ آرمی چیف جنرل سید عاصم منیر، نشان امتیاز (ملٹری) نے پاکستان ایئر فورس کی پاسنگ آؤٹ پریڈ تقریب میں کیڈٹس سے خطاب کرتے ہوئے کہا کہ آپ ہماری امیدوں کا مرکز، آسمانوں کے محافظ اور علاقائی یکجہتی کے ضامن ہیں، آپ سے توقع کی جاتی ہے کہ آپ کردار، ہمت اور قابلیت کی خوبیوں سے مُزیّن زندگی گزاریں گے۔آرمی چیف نے کہا کہ آپ کا طرز عمل نہ صرف آپ کی ذاتی اخلاقیات بلکہ قابل احترام ادارے کے لیے بھی غیر معمولی ہوگا، آپ مادر وطن کے دفاع ،عزت و وقار کے لئے قربانی دینے سے کبھی دریغ نہیں کریں گے۔ان کاکہنا تھا کہ عسکری قیادت آپ سے توقع کرتی ہے کہ آپ ہمارے ملک کے بہترین جذبے، ادارے کی پیشہ ورانہ مہارت اور بہادری کی لازوال روایت کو ہمیشہ قائم رکھیں گے۔انہوں نے مزید کہا کہ پاک فضائیہ ہمیشہ قوم کی توقعات پر پورا اُتری ہے، آئین کے آرٹیکل 19 میں واضح طور پر آزادی اظہار رائے کی حدود متعین کی گئی ہیں، جو لوگ آئین میں دی گئی آزادی رائے پر عائد کی گئی واضح قیود کی پامالی کرتے ہیں وہ دوسروں پر انگلیاں نہیں اٹھا سکتے۔ جنرل عاصم منیر نے کہا کہ بھارت نے مقبوضہ کشمیر پر ناجائز قبضہ کررکھا ہے، مقبوضہ کشمیر میں جاری بھارتی جارحیت پر پوری دنیا کی خاموشی وہاں گونجنے والی آزادی کی آواز کو دبا نہیں سکتی ، ہم اپنے کشمیری بھائیوں کی اخلاقی، سیاسی اور سفارتی حمایت جاری رکھیں گے ۔ان کاکہنا تھا کہ اسلحے کی دوڑ سے خطے میں طاقت کا توازن بگڑنے کا امکان ہے، مصنوعی ذہانت، روبوٹکس اور کوانٹم کمپیوٹنگ سمیت مخصوص ٹیکنالوجیز فضائی طاقت کے استعمال کو تبدیل کر نے کے ساتھ ساتھ اس کے دائرہ کار کو وسعت دے رہی ہیں۔آرمی چیف  نے کہا کہ ہمیشہ یاد رکھیں کہ حق طاقت ہے جبکہ باطل کبھی طاقتور نہیں ہوسکتا، آپ کو جو ذمہ داری سونپی جا رہی ہے اس کے لیے پرعزم رہیں اور ریاست پاکستان کے ساتھ وفادار رہیں۔قبل ازیں پاکستان ایئر فورس اکیڈمی رسالپورمیں پاسنگ آؤٹ پریڈ کی تقریب میں آرمی چیف جنرل سید عاصم منیر نے چیف آف دی ایئر سٹاف ظہیر احمد بابر سندھو کے ہمراہ پریڈ کا معائنہ کیا ۔آرمی چیف نے نمایاں کارکردگی کے حامل کیڈٹس کواعزازات سےنوازا اور پاس آؤٹ ہونیوالے کیڈٹس سے حلف لیا ،تقریب میں  کیڈٹس نے شاندار فلائنگ پاسٹ کا مظاہرہ بھی کیا۔

ہم اپنی آئینی حدود کو بخوبی جانتے ہیں ، دوسروں سے بھی یہی توقع رکھتے ہیں، آرمی چیف

آزادی اظہار رائے کی حدود پامال کرنے والے دوسروں پر انگلیاں نہیں اٹھا سکتے، جنرل عاصم منیر

قومی سلیکشن کمیٹی نے دورہ آئر لینڈ اور دورہ انگلینڈ کے لیے پاکستانی اسکواڈ کا اعلان کر دیا۔قومی سلیکٹرز  وہاب ریاض، محمد یوسف، عبدالرزاق اور بلال افضل نے پریس کانفرنس کے دوران دورہ آئر لینڈ اور انگلینڈ کے لیے پاکستان کرکٹ ٹیم کا اعلان کیا۔پاکستان نے آئرلینڈ اور انگلینڈ سیریز کے لیے 18 رکنی اسکواڈ کا اعلان کیا ہے جبکہ جون سے امریکا اور ویسٹ انڈیز میں شروع ہونے والے ٹی ٹوئنٹی ورلڈ کپ کے لیے 15 رکنی اسکواڈ کا اعلان انگلینڈ کے خلاف پہلے ٹی ٹوئنٹی کے بعد کیا جائے گا۔آئرلینڈ کے خلاف سیریز 10 سے 14 مئی تک ہے جبکہ انگلینڈ کے خلاف سیریز 22 سے 30 مئی تک کھیلی جائے گی۔سلیکشن کمیٹی نے 18 رکنی اسکواڈ کا اعلان کیا ہے۔ جس میں 3 اوپنر، 2 وکٹ کیپر، 3 آل راؤنڈر، 7 فاسٹ بولرز شامل ہیں۔اعلان کردہ پاکستانی اسکواڈ ان کھلاڑیوں پر مشتمل ہے۔بابر اعظم (کپتان)، صائم ایوب، محمد رضوان، عثمان خان، فخر زمان، سلمان علی آغا، اعظم خان، افتخار احمد، عماد وسیم، شاداب خان، شاہین شاہ آفریدی، محمد عامر، نسیم شاہ، ابرار احمد، حارث رؤف، حسن علی، عباس آفریدی، عرفان خان شامل ہیں۔

انگلینڈ اور آئرلینڈ کیخلاف پاکستان ٹیم کا اعلان،حارث رئوف، حسن علی کی ٹیم میں واپسی

آئرلینڈ کیخلاف سیریز 10 سے 14 مئی تک جبکہ انگلینڈ کیخلاف22 سے 30 مئی تک کھیلی جائے گی

کراچی میں آج ہونے والےجمعیت علمائے اسلام کی جانب جلسے کے پیش نظر ٹریفک پولیس نے ٹریفک پلان جاری کردیا جس کے مطابق متعدد شاہراہیں عام پبلک کے لیے بند ہوں گی جبکہ ٹریفک پلان کے تحت متبادل راستوں کا کی نشاندہی کی گئی ہےٹریفک پولیس کے مطابق نمائش چورنگی عام ٹریفک کے لیے بند ہوگی اور شارع قائدین سے آنے والی ٹریفک کو نورانی سگنل سےآگےجانے کی اجازت نہیں ہوگی۔ٹریفک پولیس کے مطابق پیپلز چورنگی سے متصل کوری ڈورتھری پرجلسہ ہوگا، اندرون سندھ سے آنے والے اسلامیہ کالج کے قریب گاڑیاں پارک کرکے جلسہ میں جاسکتے ہے۔پولیس کے مطابق ضلع وسطی سے آنے والے شرکا مزار قائد پر گاڑیاں پارک کرسکتے ہیں، عوام متبادل راستے اختیار کریں۔ٹریفک پولیس کے مطابق گرومندر،جمشید روڈ اور تین ہٹی سے نمائش عام پبلک کو جانے کی اجازت نہیں ہوگی۔ٹریفک پولیس کے مطابق گرومندر سے بہادر یار جنگ روڈ، سولجر بازار اور جمشید روڈ سے جیل فلائی اوور طارق روڈ کا راستہ اختیار کرسکتے ہیں۔ٹریفک پولیس کا بتانا ہے کہ یونیورسٹی روڈ سے آنے والی ٹریفک کوجیل چورنگی سے شہید ملت کی طرف بھیجاجائے گا جب کہ جیل چورنگی سے جمشید روڈ آنے والی ٹریفک کو سولجر بازارکی جانب موڑاجائے گا۔ٹریفک پلان کے مطابق ریگل چوک سےکوریڈور 3 تک ٹریفک کوجانے کی اجازت نہیں ہوگی، ناظم آباد اورتین ہٹی سے آنے والی ٹریفک کو گرومندر جانے کی اجازت نہیں ہوگی جب کہ ایم اے جناح روڈ تبت سگنل سے آنے والی ٹریفک کو سولجر بازارکی جانب موڑاجائے گا۔خیال رہے کہ جے یو آئی (ف)  آج مزار قائد کے سامنے کوریڈور تھری پر پاور شو کرے گی، جلسے سے مولانا فضل الرحمان خطاب کریں گے۔ جے یو آئی سربراہ مولانا فضل الرحمان جلسے سے خطاب کے لیے کراچی پہنچ چکے ہیں۔

کراچی میں آج جے یو آئی کا جلسہ، متعدد شاہراہیں عام پبلک کیلئے بند،ٹریفک پلان جاری

یونیورسٹی روڈ سے آنے والی ٹریفک کوجیل چورنگی سے شہید ملت کی طرف بھیجاجائے گا، ٹریفک پولیس

فلسطینیوں کی نسل کشی کے خلاف عالمی عدالت انصاف میں چلنے والے کیس میں ترکیہ بھی فریق بن گیا۔ترکیہ کے وزیر خارجہ ہاکان فیدان نے اپنے انڈونیشین ہم منصب ریتنو مراسودی کے ہمراہ پریس کانفرنس کے دوران غزہ میں اسرائیلی بربریت کیخلاف عالمی عدالت انصاف میں جنوبی افریقہ کے مقدمے میں شامل ہونے کا اعلان کیا۔ترک وزیر خارجہ ہاکان فیدان نے کہا کہ قانونی نکات پر کام مکمل ہوتے ہی عالمی عدالت انصاف میں فریق بننے کی درخواست دائر کریں گے جس کا مقصد اس سیاسی فیصلے پر عمل درآمد کرنا ہے، ترکیہ ہر طرح کے حالات میں فلسطین کے عوام کی حمایت جاری رکھے گا۔واضح رہے کہ جنوبی افریقہ نے 7 اکتوبر کو شروع ہونے والی جنگ میں اسرائیل کو غزہ میں نسل کشی کا مرتکب قرار دیتے ہوئے عالمی عدالت سے رجوع کیا تھا، سماعت کے دوران عالمی عدالت انصاف نے اسرائیل کو فلسطینیوں کی نسل کشی کے اقدامات روکنے کا حکم دیا تھا۔

فلسطینیوں کی نسل کشی، ترکیہ بھی عالمی عدالت انصاف میں فریق بنے گا

ترکیہ کا عالمی عدالت میں اسرائیل کے خلاف نسل کشی کیس میں فریق بننے کا اعلان

آئندہ سال پاکستان میں ہونے والی آئی سی سی چیمپئنز ٹرافی میں بھارتی ٹیم کے میچز ایک ہی شہر میں رکھنے کی تجویز آئی سی سی کو بھیج دی گئی ہے۔ پاکستان کرکٹ بورڈ (پی سی بی) چیمپئنز ٹرافی کا ابتدائی ڈرافٹ شیڈول آئی سی سی کو بھیج چکا ہے، چیمپئنز ٹرافی کے میچز پاکستان کے 3 وینیوز کراچی، لاہور اور راولپنڈی میں ہوں گے۔میڈیارپورٹس کے مطابق  آئی سی سی چیمپئنز ٹرافی 2025  کے مجوزہ شیڈول میں بھارتی ٹیم کا سفر کم رکھنے کی تجویز دی گئی ہے۔پہلے راؤنڈ میں بھارتی ٹیم کے میچز ایک ہی شہر میں رکھنے کی بھی تجویز ہے۔تجویز کا مقصد پاکستان میں قیام کے دوران بھارتی ٹیم کا ٹریول کم رکھنا ہے، ابتدائی شیڈول پر اب آئی سی سی دیگر ممالک سے فیڈ بیک لے گا۔آئی سی سی چیمپئنز ٹرافی 2025 فروری میں پاکستان میں ہونی ہے۔

چیمپیئنز ٹرافی 2025، پہلے راؤنڈ میں بھارتی ٹیم کے میچز ایک ہی شہر میں رکھنے کی تجویز

بھارتی ٹیم کے میچز ایک ہی شہر میں رکھنے کا مقصد پاکستان میں قیام کے دوران بھارتی ٹیم کا سفر کم رکھنا ہے

There was a heated exchange between Colin Munro and Iftikhar Ahmed over the latter's action during the chase

Gous cuts loose to help Islamabad United maintain unbeaten PSL run

Islamabad United&nbsp;171 for 3 (Gous 80*, Munro 45, Jordan 1-24) beat&nbsp;Multan Sultans&nbsp;168 for 5 (Usman 61, Rizwan 36, Nawaz 1-13) by seven wickets 
Islamabad United&nbsp;171 for 3 (Gous 80*, Munro 45, Jordan 1-24) beat&nbsp;Multan Sultans&nbsp;168 for 5 (Usman 61, Rizwan 36, Nawaz 1-13) by seven wickets 
Islamabad United&nbsp;171 for 3 (Gous 80*, Munro 45, Jordan 1-24) beat&nbsp;Multan Sultans&nbsp;168 for 5 (Usman 61, Rizwan 36, Nawaz 1-13) by seven wickets

Gous cuts loose to help Islamabad United maintain unbeaten PSL run

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan